அனுராதா அம்மாவுக்காக ஒரு கூட்டுப் பிரார்த்தனை

நம் சக வலைப் பதிவர் அனுராதா அவர்கள் கேன்சர் நோயுடன் போராடி மீண்டு வந்தவர்.

தன்னுடைய வலிகளையும் வேதனையையும் எழுத்தாக்கி வீழிப்புணர்ச்சி பதிவுகள் இட்டு வருகிறார்.
கேன்சருடன் ஒரு யுத்தம் என்ற பெயரில் எழுதி வருகிறார்.

இன்று மீண்டும் பல உடல் உபாதைகளால் பாதிக்கப் பட்டு வாடும்போதும் தன் அருமைக் கணவருடைய உதவியுடன் பதிவுகளைத் தொடர்ந்து கொண்டிருக்கிறார்.

அவர் தற்போதைய உடல் வேதனைகளில் இருந்து மீண்டு நலம் பெற்று குணமடைய பதிவர்கள் நம் பிரார்த்தனை நிச்சயம் உதவும்.

அவருக்காக நாம் ஒவ்வொருவரும் நம் இடத்திலிருந்தபடியே பிரார்த்திப்போம்

அவர் பதிவிலும் சென்று நம் நம்பிக்கையை பின்னூட்டமாக பதிவு செய்வோம் வாருங்கள்.

பிரார்த்தனை என்பது கடவுள் வழிபாடு மட்டுமல்ல.அவர் நலமடைய வேண்டும் என்ற ஆத்மார்த்த எண்ணமே கோடிப் பிரார்த்தனைகளுக்குச் சமம்.

அம்மா அனுராதா பூரண குணமடையட்டும்.